أتخنقت موووت

من طرف ماجد الجندي الثلاثاء ديسمبر 02, 2008 7:42 am

أتخنقت موت
-----------------

اتخنقت موت ماعادش فيا صوت
عشان انده عليكى
كل يوم يفوت برفض السكوت
تعبان وبناديكى
اللى كان بينا زمان
كان حب أقوى من الزمان
حياتى كانت بين ايديكى
دلوقتى عمرى عليكى هان
هتلاقى جنب مين الأمان
هتحسى فـ حضن مين بالحنان
دانا كل حاجة لقيتها فيكى
ولقيتى فيا حلمك كمان
مش عيب عليكى كل ده يطلع كلام
وظنى فيكى يكون كده طب ليه حرام
أنا كنت واخد حبنا جد وتمام
أتاريكى أحلى ممثلة فـ دور الغرام
---------------

بقلمي
ماجد الجندي